Мухтор Шаханов, шоири қазоқ

 Қазияи ҳусни тафоҳум

Хона торик аст аз андӯҳи дарди ҷонгазой.

Сина тангӣ мекунад имрӯз бар савдои ӯ.

Дар ҳамин ҷо марг бистонид ҷони Толстой.

Ҳамсараш омад. Фурӯ бинмуд сар болои ӯ.

Емелиан Буков, шоири молдовӣ

 НОМА БА МИРЗО ТУРСУНЗОДА

Бо ту, эй Мирзо, шудам дар анҷуманҳои бузург

Дар миёни дӯстони сулҳҷӯи ҷоннисор.

Халқ ҳар ҷо кард моро бо муҳаббат пешвоз,

Бо гулу гулдастаю бо чеҳраҳои чун баҳор.

ШЕЪРЕ, КИ ВИҶДОНИ ШОИР АСТ

Ба муносибати 70-солагии Ярослав СМЕЛЯКОВ

Боме, ки баланд аст, барфаш бештар ва шоирӣ ҳам, ки ном ва боми баланд аст, рисолати гарон дорад.

Шеъре, ки виҷдони шоир аст, дар худ таҷаллии виҷдони замонро бояд инъикос кунад. Саропо қисмати шоир, фитрати ӯ дар партави он бояд сиришта шавад. Ярослав Смеляков барои ман ҳамин гуна шоир ва шеъраш ҳамин гуна шеър аст.

Сурудҳое, ки дар кӯҳсори Лори эҷод шудаанд

ГУВОҲИИ ДИЛ

Малламӯе зери лаб ҳуштаккашон

Нағмаеро менавозад дам ба дам.

Назди оташ ӯ чӣ коре мекунад?

Тир мерезад барои куштанам.

Сурудҳое, ки дар кӯҳсори Лори

эҷод шудаанд

 *    *    *

Канори Лори сабзу марғзор аст,

Ба болои сараш меғи баҳор аст.

Ба гӯш ояд садои чашма ҳар субҳ,

Садои булбул аз шохи чинор аст.

Зи оби чашма ҳар гоҳе бинӯшам,

Расад ашъори Туманян ба гӯшам.

Шеърҳо дар бораи Гарсиа Лорка

 Шикваи Лорка

 «Эй, Худоҷон, шояд ин зоғон набуда айбдор,

Гар маро ту мурғи хушхону суханвар сохтӣ,

Лек байни мурғҳои сип-сияҳ, минқортез

Пас чаро баҳри ҷазову интиқом андохтӣ.