“Талбаки талбидаам” – ин шеър яке аз бобҳои “Достони Нону Имон”- и ман аст. Он асоси воқеъӣ дорад. Талбак Лолаев, ҷавони данғарагӣ буд, ки солҳои ҳафтоди асри гузашта барои хомӯш кардани сӯхтори гандумзори колхоз ихтиёран худро ба оташ зад ва дар охир сӯхта ҳалок шуд. Барои дарки комилтари ин шеър маро зарур аст, ки дар бораи “Достони Нону Имон” мухтасаран чанд сухан гӯям. Аввали солҳои ҳаштод маро андешае фаро гирифт, ки дар бораи арзишмандии Нон, ҳамчун яке аз рукнҳои асосии ҳастии моддию маънавии инсон, яъне Нон на фақат ҳамчун хӯроки моддӣ, балки ҳамчун ғизои маънавӣ, ки решаи Имон аст, чизе нависам.
Достони Нону Имон
Ман ҳазорон шукр гӯям, суфраи модар, ба ту,
Ки маро парвардию додӣ забони чомагӯ.
Ёфтам ногаҳ турову ҳикмати ин достон,
Ёфтам пайванди даврони навину бостон.
Достони Нону Имон
Буд Амиралмӯъминини пир дар мулки араб,
Аз Худо мекард субҳу шом фарзанде талаб.
Беписар буду ғуломи хешро фарзанд хонд,
Ӯ ба Фатҳи тифл чун бар вориси худ меҳр монд.
Достони Нону Имон
«Курер»-и ЮНЕСКО хабар медиҳад: Қадимтарин ҳуҷҷате, ки дар бораи гушнагӣ ҳикоят мекунад, дар санг ҳак шудааст.Дар он Фиръавни Миср бо андӯҳ ба наслҳои оянда аз солҳои қаҳтӣ, ки қаламрави ӯро хароб кардаанд, сухан гуфтааст. Дар он «тахтасанги гушнагӣ», ки дар Остонаи аввали Нил пайдо карда шудааст, чунин ҳарфҳо ҳак гаштаанд.
«Ман ғаминам дар сари тахти баланди хештан,
Аз балое, к-омада бар сарзамину халқи ман.
Ҳафт сол аст обҳои Нил хурду кам шуда,
Чун биёбон киштҳо хушкидаву бенам шуда.
Достони Нону Имон
Аввалин музеи гандум – «Бунёди ҳаёт» дар шаҳри Улми Олмон таъсис шудааст, ки аз он ҳар сол қариб 20000 нафар дидан мекунад. Ҳоло ин гуна музейҳо дар Фаронса, Иттиҳоди Шӯравӣ, Белҷик, Утриш ва кишварҳои дигар низ ҳастанд.
Аз ахбори «Курер»-и ЮНЕСКО
Саҳифаи 1 то 3