Ғазали ишқ ба номи ту бихонам ватани ман,

Ки ту ширинтарӣ аз шираи ҷонам ба тани ман.

Ҳама аъзои ман аз хоки ту рӯйидаву сабз аст,

Низ ҳар нахли ту пайванд зада бо бадани ман.

Моро на ғами нӯши лаби ёр гирифтаст,

Моро ғами ин халқи гирифтор гирифтаст,

К-оне ки чароғе ба раҳи донишу фазл аст,

Дар гумраҳии шаб раҳи бозор гирифтаст.

Лак сол аз ин пеш варо буд устурлоб,

Кори мо аз бодаву соғар гузашт,

Кори соғар чӣ, ки об аз сар гузашт.

Хубрӯе дидаву дил бохтем,

Ҳаҷр монду васли ҷонпарвар гузашт.

Ба садои ошноӣ чу шабе садо намудӣ,

Дари ҳар ду олами ишқ бари мо ту во намудӣ.

Шаби тори беситора чу канори боғ бишкуфт,

Ба дурахши Каҳкашонҳо ҳама дар ҷило намудӣ.

Синаам бар дили озода чӣ танг аст, чӣ танг,

Баҳр ҷо гашта ба паймона чӣ ранг аст, чӣ ранг.

Уқёнус агар ҷой шавад дар ҷоме

Бо ҳама шӯриши амвоҷ, чӣ нанг аст чӣ нанг,

Мо сабукхезтар аз боди сабо  бархезем,

Ҳамраҳи мурғи саҳар нағмасаро бархезем.

Аз сабукхезу гаронхезтарон аст суол,

К-аз куҷо парт шудему ба куҷо бархезем?!