Шаҳноз

ПАЁМИ ШОИР

Эҳдо ба устод Аскар Ҳаким

Ай шаҳбози субҳи сухан, рӯй ба мо кун,

Моро зи тилисми шабаҳи шом раҳо кун.

Дил гашт асири сухани ойинаи ноз,

Бе ҳеҷ сухан қалби маро боз садо кун.

Кароматулло Олимов

Ба шоири мумтози тоҷик Аскар Ҳаким

(Ба ифтихори 60-солагии зодрӯзи муборак)

Зистан ошиқона дар дунё

На муяссар шавад ба ҳар фарде.

Бояд эҳсосу шӯру валвалае,

Ҳиммати олию ҷавонмардӣ.

Ҳақназар Ғойиб

 Ба дӯсти азиз, Аскар Ҳаким

Ҳар ҷой, ки Аскар аст, Афсар ҳам ӯст,

Бо Аскару Афсараш сафдар ҳам ӯст.

Нуқраи Суннатниё

Шоҳи ишқ

Ба устод Аскар Ҳаким

Ту аскари роҳи ишқ ҳастӣ, бошӣ!

Сарбози сипоҳи ишқ ҳастӣ, бошӣ!

Дар рӯи замин намонад ар холи гуноҳ,

Ғарқе ба гуноҳи ишқ ҳастӣ, бошӣ!

Ашот Сагратян

 БАРОИ АСКАР ҲАКИМ

 Замоне ки замин буд бехабар аз коғазу аз хат,

Замоне ки халоиқ бехабар з-имлову иншо буд,

Ба худ маъво дар оташхонаҳо бигрифта рӯзу шаб,

Нигаҳдорандаи мероси мардум муғ ба дунё буд.

Озарахш

 Номаат аз ҳар ду сӯ номи худатро дошт:

Гуфтугӯи як мунаққид буд бо шоир,

Суҳбати Аскар Ҳакиме бо Ҳаким Аскар,

Дар ҷавоби моҷарое бесару охир.