Биё ки нест чаманро чунин шукуфойӣ,

Ба ҳар гулат, ки бувад сад баҳори зебойӣ.

Бунафшаву суману лола дида гӯяндат,

Магар куҷост гулистон бад-ин тамошойӣ?!

Чӣ шеъри тар зи гуландоми ту тавонам гуфт,

Ки кас надида ниҳоле чунин ба раъноӣ.

Кӣ гуфт як гули танҳо баҳор кай бошад,

Биё, ки як зи ту олам шавад гулоройӣ.

Чу дид кунҷи лабони ту дони холи сиёҳ,

Чӣ ром шуд ба туям мурғи ҷони ҳарҷойӣ.

Ситораҳои самову манат дуо дорем,

Ки моҳтоб туӣ, кош, ҳар шабе ойӣ.

Зи шеъри ман набарад кас гарав ба ширинӣ,

Агар Худо ба лабонат диҳад шиносойӣ.                             

                                                            08.07.2020