Эй кош, болафшон сартосари олам

Болотар аз шоҳин гирам таҳи болам.

Мурғон зи ман эмин вақти саҳар хонанд

Дар шохаи пургул пайки сари солам.

Дил хонаи меҳр аст, к-аз гармии ин меҳр

Ҳатто ба хасми хеш дил додаву болам.

Дар дори даҳр аз ман ку шоду доротар,

К-аз моли даҳр ин сон як дил бувад молам.

Худро ба баҳри ишқ андохтам, бин чун

К-ояд бурун  аз об пурбор ғирболам.

Гар дафтари аъмол фардо-м мехонанд,

Ишқ асту танҳо ишқ тафсири аъмолам.

То ҳастаму ҳастӣ танҳо ба ту нозам,

К-аз роҳати олам ин аст иқболам,

Парвонатар, к-аз шамъ дар пойи ту сӯзам,

Булбултар аз ҳар гул дар пойи ту нолам.