То хабар гаштему дарси зиндагӣ омӯхтем,

Бехабар мондему байни обу оташ сӯхтем.

Он, ки моро офарид, аз хеш камтар н-офарид,

Оташаш ҷаввола кардем, оби он афрӯхтем.

Ӯ ба рӯи ин ҷаҳонаш чашми моро во намуд,

Мо вале чашми яқин бар он ҷаҳонаш дӯхтем.

Ӯ, ки худро дар ҳама зарроти олам нашр кард,

Дид, мояш зарра-зарра дар замир андӯхтем.

Буд, Бобомон, ки ҷаннатро ба як гандум фурӯхт,

Мо, ки донистем қадраш, бар ҷаве нафрӯхтем.

Рафта аз худ, то расем ӯро ба асли асл, лек

Сӯхтем – омӯхтем, омӯхтему сӯхтем.